L-għaxar kmandamenti

Il-Kmandamenti fil-qosor

L-Għaxar Kmandamenti (Id-Dekalogu, Dewteronomju 4:13) insibuhom f’Esodu 20 :1-17 u Dewteronomju 5 :6-21. Din il-lista hi sommarju tagħhom.

1. Ma jkollokx allat oħra quddiemi.
2. La tagħmel għalik ebda xbieha minquxa, la tmilx quddiemhom u la tqimhomx.
3. La ssemmix isem il-Mulej fil-batal.
4. Ftakar f’jum is-Sibt biex tqaddsu.
5. Weġġaħ lil missierek u lil ommok.
6. La toqtolx.
7. La tikkommettix adulterju.
8. La tisraqx.
9. La tgħidx xhieda giddieba.
10. La tixtieqx ħwejjeġ tal-oħrajn.

X’jgħallmuna l-Kmandamenti

1. 'Ma jkollokx allat oħra' jgħallimna nqimu lil Alla biss.
2. 'La tagħmel ebda xbieha' jgħallimna nqimuh fl-ispirtu u s-sewwa, u biex naħarbu l-idolatrija.
3. 'La ssemmix isem il-Mulej fil-batal' jgħallimna nistmaw b'reverenza l-isem t'Alla.
4. 'Ħares Jum is-sibt' jgħallimna biex niddedikaw l-ġurnata tal-mistrieħ lill-Mulej.
5. 'Weġġaħ lil missierek u lil ommok' jgħallimna nirrispettaw u nobdu lill-ġenituri tagħna.
6. 'La toqtolx' jgħallimna ngħożżu u nħarsu l-ħajja umana.
7. 'La tikkommettix adulterju' jgħallimna nkunu safja fil-qalb, fid-diskors u l-imġieba tagħna, u fidili fil-patt taż-żwieġ.
8. 'La tisraqx' jgħallimna nkunu onesti.
9. 'La tgħidx xhieda giddieba' jgħallimna ngħidu l-verità u nħobbu l-ġustizzja.
10. 'La tixtieqx ħwejjeġ tal-oħrajn' jgħallimna nkunu kuntenti b'dak li jipprovdielna Alla.

Ħames ċwievet

Dawn il-ħames fatti huma bħal ċwievet li jiftħulna r-rikkezzi tal-10 kmandamenti.

1. L-10 kmandamenti jirriflettu l-karattru t’Alla. (eż. La tgħidx xhieda giddieba hu mibni fuq il-fatt li Alla hu l-verità u perfettament ġust).
2. L-awtorità sħiħa tagħhom għadha tgħodd sal-lum. (eż. Is-serq u l-gideb kienu, għadhom u jibqgħu moralment ħżiena).
3. L-10 kmandamenti kienu ddisinjati għal dawk li jemmnu u mhux biss għall-midinbin. (Ninnotaw li l-Mulej ta l-kmandamenti lil Israel, il-poplu t’Alla).
4. Kull wieħed mill-10 kmandamenti jkopri familja sħiħa ta’ dnubiet. (eż. La tgħidx xhieda giddieba jkopri kull forma ta’ gideb u qerq).
5. L-10 kmandamenti, għalkemm huma espressi f’forma negattiva jinkludu wkoll virtujiet pożittivi opposti. (eż. La toqtolx ifisser ukoll li għandna ngħożżu u nħarsu l-ħajja umana).

L-Użu tajjeb tal-kmandamenti

• Aħna obbligati nobdu l-kmandamenti għax Alla hu s-Sid u l-Feddej tagħna.
• Il-kmandamenti juruna li aħna kontabbli, midinbin u ħatjin quddiem Alla.
• Il-kmandamenti ma jsalvawniex; ikun żball fatali jekk tipprova tobdi l-liġi bl-iskop li tkun ġġustifikat quddiem Alla b'għemilek. Ġesù Kristu waħdu jsalvana, permezz tal-fidi fih, u mhux bl-opri tal-liġi.
• Meta nobdu l-kmandamenti nuru li l-konverżjoni tagħna hi ġenwina u nesprimu l-imħabba tagħna lejn Alla.
• Il-kmandamenti huma sillabu prattiku għall-qdusija; l-Ispirtu s-Santu jgħinna biex inwettquhom.
• Meta nobdu l-kmandamenti jkun ta’ ġid għalina u għall-oħrajn.
• Ikun ta’ dannu għalina jekk ninjoraw il-kmandamenti t’Alla: la jkollna u lanqas ingawdu assigurazzjoni, Alla ma jużaniex b’mod effettiv, ma nesperjenzawx talb mismugħ, inkunu bla saħħa fit-tiġrib, u nġibu fuqna d-dixxiplina tal-Mulej.