O Ġesù tiegħi, kemm int kontradett!
O Ġesù tiegħi, kemm int kontradett! Xi enimma fik!
Kont tgħejja u torqod fid-dgħajsa, jew tieqaf tistrieħ mal-ħorża tal-bir, u frattant toffri l-irpoż lil ruħna.
Għajruk illeġittmu, u frattant taqlagħna l-jedd biex nissejħu wlied adottivi tal-Missier etern.
Ittimbrawk bħala xitan, u frattant keċċejt id-demonji u ħlistna mid-dominju tad-dlam.
Int is-Sultan fuq kull sultan ieħor, u frattant tħallas it-taxxa.
Mibjugħ għal tliet munita fiddiena, u frattant tajt ħajtek stess bħala riskatt għal bosta nies.
Ma ridtx taqleb il-ġebel f’ħobż biex tissodisfa l-ġuħ estrem tiegħek, u frattant tajt ġismek stess bħala ħobż veru.
Qabdek l-għatx u frattant int l-ilma tal-ħajja.
Bkejt mal-qabar ta’ Lazzru sabiex timsaħ id-dmugħ tagħna.
Kont miġjub bħala ħaruf għall-qatla, u frattant int ir-Ragħaj it-tajjeb.
Mitt, u b’mewtek qridt is-setgħa tal-mewt.
Mitt mewta ta’ midneb u frattant ġejt biex issalvana, midinbin miżerabbli.
X’paradigma ta’ mħabba! X’mudell ta’ tjieba! X’fonti ta’ ispirazzjoni għalina!
(Awtur, Paul Mizzi, 2023).