L-Imħabba Manifestata
Jew f’xiex jew f’min qatt tista’ ssib il-ġabra?
Bdejt nifhimha u għaraftha
Meta s-Sid sar bniedem bħalna,
Magħluq f’post wieħed, mingħajr ġieħ jew grad,
Joffri ’ll-bniedem maħfra qabel ma jkun tard.
Iddiet l-imħabba: mastrudaxxa Lhudi
Stinka fl-antik, mal-Galilija muri,
Muri ma’ pubblikan u ftit sajjieda,
Lest sabiex kontra d-dnub jidħol fi ġlieda.
L-imħabba mill-eternità xegħlet fiż-żmien;
Bdiet bħall-ħmira f’għaġna, xterdet ma’ kullimkien.
L-imħabba hija ’nkurunata fuq salib
Ħalli magħha nkun magħqud, magħha nsir ħabib.
L-imħabba niżet baxx fejn nista’ naraha jien;
Mattret idejha lejja, il-mifluġ w għajjien.
L-imħabba issa tgħammar fija, ’l ruħi ngħatat,
Għaliex mat-tielet jum għelbet, iva rxoxtat.
Alla hu mħabba, għax huwa biss kwalifikat
Biex jilħaq lili, vili, maħmuġ, ħati, ingrat.
Miktuba minn Paul Mizzi.